Irailak 27 - ARTE MODERNOZ BLAI!!!

MOMA (Museum of moderm art)

Ez gara gu arte modernoarekin txoratzen saltoka hasten garen horietakoak. MOMA museoko hainbat lan ulertzen saiatu garen arren, askori ez diegu funtsik ikusi. En fin. 

koadro monokromatiko hauetako arte ezkutuaren bila...

Holako aurpegiaz gelditu gara hainbat lan ikusi eta gero. Harrapazak Txiribiton!

Hala eta guztiz ere, nola ez, merezi du bisitak. Arte-lan klasiko zein moderno ederrak ere badaude ta!

XELEBREKERIA

Denok dakigu New York (ziutate handi oro) bizitzeko leku gogorra dela. Hara ba, joan den egunean Mikel Urmenetak historio kuriosoa kontatu zigun. Ba omen du Mikelek lagun txinatar pobre bat . Michael da bere izena, Manhatango kanpoaldean bizi da eta ez du sos arraiorik. Kontua da Michael, traje eta gorbata jantzi eta egunero abiatzen dela zentrora. Holako hiri baten beti daude inaugurazio eta opening-ak, ba, hara, Michael hor joaten da pintxo-pintxo parean harrapatzen dituen guztietara. Berton jan eta edaten du, aberats, intelektual eta pelaje guztietako burgesekin batera. Gero buelta etxera, sosik barik baina tripa beteta. Kuriosoa ez?

Txanponaren beste aldean, 5.Avenidako denden luxu eta handitasuna. Mundu ero honen muturreko bi aurpegi kontrajarri.




CHELSEA MARKET - gure azoka.


Ederra da. Bertan erosi dugu gau etxean afaltzekoa: tuna fish, kafea, eta fruta.

Bero sargoritsu eta umela egiten du egunotan New York-en (hemengo udak gogorra behar du izan, gero). Parke batean oinetakoak kentzea plazer ikaragarria da.

Hau kuriosoa da. Parke honetan ezin da nagusirik sartu ez bada haur baten konpainian. Parkea, noski, gaztez josia dago.