Irailak 19 - Harlem follyes

Hey Folks! here we are again. Harlem hartu dugu bizileku. Dawntownetik urrun samar dagoen arren (Metroan ordu laren, busean ordu erdi bat) prezio onargarrian dagoen apartamentu bat lortu dugu (80 dolar), beraz, HARLEM-en bizi gara oraingoz. Ikusgarria da auzoa: black rules!

Egunotan ordutegiak erabat nahaspilatuak dauzkagu. Goizeko seiretarako esnatzen gara Jone eta biok nork daki zein arrazoi nazkagarrigatik, eta noski, gaueko hamarretarako pot egindak amaitzen dugu.

En fin. Atzo Mikel Urmenetaren etxean izan ginen (A ze bistak eta a ze tipoa: pasadizo luzeagoa eskeiniko diogu Kukuxumuxuko sortzaileari hurrengo batean!).

...eta Urmenetak dioenez, New Yorken gauza bitxia gertatzen da: antza danez, espaloiak okertuak daude elurra alde batera erori eta urtu dadin, oso desnibel txikia omen da, baina oinak hautsi egiten ditu. Leher eginda amaitzen duzu eguna horrenbestez, Anboto oin hutsik igo izan bazenu bezala.

New York-ek oso antolamendu urbanistiko erraza omen dauka, ni, ordea, ez naiz aklaratzen. Ez diot usainik hartzen hemengo kale anabasari (eskerrak JoneMiren Livistong bezain trebea den!)

Hamabostenbat egun egingo ditugu hirian (non lo egin aurkituz gero, behinik behin), eta akaso, bertan kokatu gure betirako bizilekua (jeje). Tira, ez. Baina zinez gogoa ematen duela, horren erraz bizi daiteke hemen eta. Izan ere, alojamenduaz gain, hiri merke samarra da New York: jan eta edanak ez du askorik balio eta garraio publikoa (ona eta askotarikoa) ez da garestia. Ikusgarria da hiri hau. Aho zabalik uzten zaituzten horietakoa: hainbeste gauza daude ikusi eta esperimentatzeko...

Bestalde, egonaldi luzeak ematen dio bidaiariari holako patxada gozo bat. Ez daukagu zertan harrapaladan gauzak ikusi beharrik. Gaur Central Parken egonaldia, bihar Broklyn-en, etzi MoMa museora bisita... Zer esango dizuet ba, New Yorkerrak gara! (jiji)

Boteprontotxu bet: Gringoek toki orotan dituzte banderak: soinean, autoetan eta edifiziotan. Eta kuriosoa bada ere, Kubaren antz handia hartzen diot nik alde horretatik. Arrazoi ezberdinengatik bada ere, gringoek ere badute, itxuran, bere naziotasuna erreibindikatzeko beharra. Herrialde ezberdinetatik etorritako etorkinak kohesionatzeko izango da akaso (han ere athletikaz gertatzen den igualtsu?). Nork Jakin. Kuriosoa hala ere.